Yfirvöld í Kína hafa hafið byggingu nýs sjúkrahúss miðsvæðis í Wuhan til þess að takast á við hraða útbreiðslu kórónaveiru.
Til stendur að flýta verkinu eins og unnt er, en þegar jarðvegsvinnu lýkur verður forsmíðuðum byggingum komið fyrir á lóðinni. Vonir standa til þess að framkvæmdum ljúki 3. febrúar.
Á nýja sjúkrahúsinu verður hægt að taka á móti þúsund sjúklingum. Fjöldi þeirra sem veikst hafa nálgast þúsund og tugir eru látnir.