„Ég get sent Trump 100 dali til að frysta“
Setja bókamerki
Luo Huining, einn æðstu embættismanna Hong Kong, gerði í dag grín að refsiaðgerðum sem bandarísk stjórnvöld hyggjast beita ellefu hátt setta embættismenn sjálfsstjórnarhéraðsins vegna öryggislaga sem eru sögð fela í sér skert frelsi fyrir íbúa Hong Kong. Refsiaðgerðirnar felast m.a. í því að hald verði lagt á eignir embættismannanna í Bandaríkjunum og reikningar þeirra þar frystir. Luo segist ekki eiga neinar eignir erlendis og bauðst því til að senda Donald trump Bandaríkjaforseta 100 Bandaríkjadali svo hann gæti fryst þá.
Á engar eignir erlendis
Luo er æðsti kínverski embættismaðurinn í Hong Kong. „Það að Bandaríkin hafi ákveðið að setja mig á lista yfir þá sem Bandaríkin beita refsiaðgerðum þýðir bara að ég hef gert það sem ætti að gera fyrir þjóðina og Hong Kong,“ sagði Luo í yfirlýsingu.
„Er svona „refsiaðgerð“ ekki til einskis þar sem ég á engar eignir erlendis? Að sjálfsögðu get ég líka sent Trump 100 dali til að frysta.“
Luo er á meðal 11 hátt settra embættismanna Kínverja og Hong Kong sem standa frammi fyrir refsiaðgerðum Bandaríkjastjórnar. Viðurlögunum var beitt gegn þeim sem grafa undan sjálfstjórn Hong Kong, að sögn Steven Mnuchin, fjármálaráðherra Bandaríkjanna.
Skar höfuðleðrið af íslenskri konu
Kaldasti veturinn kom að óvörum
Telur forsendur fyrir vaxtalækkun
Tveir í bílnum sem lenti utan vegar
Krefjast stöðvunar framkvæmda
Kostnaður meiri en milljón á fermetra
Vélsleðaslys: Þyrlan kölluð út á mesta forgangi