Longoria slasaðist við tökur á Aðþrengdum eiginkonum

Leikkonan Eva Longoria var flutt á spítala eftir að hlutur féll ofan á höfuð hennar við tökur á þáttunum Aðþrengdum eiginkonum í dag. Hún hefur verið útskrifuð af sjúkrahúsinu.

„Eitthvað féll ofan á höfuð hennar,“ sagði talsmaður hennar í dag en í einum fréttamiðli kom fram að það hefði verið stöng sem féll niður.

Longoria leikur fyrrverandi fyrirsætuna Gabrielle Solis í þáttunum. Þeir fjalla á gamansaman en sótsvartan hátt um lífið í úthverfum Bandaríkjanna og eru geysivinsælir bæði þar og hér á landi.

• Blogga um frétt