Brids: Íslendingar í 8 liða úrslit Spingold-keppninnar

Bridssveit skipuð Íslendingum að mestu spilar í dag í átta liða úrslitum Spingold sveitakeppninnar í Bandaríkjunum en sú keppni er ein af fjórum helstu mótum þar í landi. Spingoldmótið er haldið í tengslum við sumarbridsþing sem fer fram í Chicago þessa dagana.

Í sveitinni spila Hjördís Eyþórsdóttir, Jón Baldursson, Þorlákur Jónsson, Bjarni Einarsson og Sigurbjörn Haraldsson auk Bandaríkjamannsins Tony Kasday, sem er fyrirliði.

Sveitin mætir sveit Franks Nickells í átta liða úrslitum í dag en í henni spila margfaldir heimsmeistarar í brids: Richard Freeman, Bob Hamman, Paul Soloway, Jeff Meckstroth og Eric Rodwell.

• Blogga um frétt