Íslensk stjórnvöld þurfa að átta sig betur á breskum stjórnvöldum og fjölmiðlum, segir Kevin Doran, stjórnandi hjá breska almannatengslafyrirtækinu Bell Pottinger Public Affairs.
Hann hvetur íslenska ráðamenn til að eiga í meiri óformlegum samskiptum við bresk stjórnvöld og telur mikilvægt að bæði íslensk stjórnvöld og almenningur veiti breskum fjölmiðlum viðtöl.
David Prosser, blaðamaður á Independent, segir hörkuna í málflutningi bankamálaráðherra Breta í garð Íslendinga minna á framkomu gagnvart ríkjum sem eru upp á kant við alþjóðasamfélagið. Hann segist meta stöðuna svo að stjórn Gordons Browns sé reiðubúin til að endurskoða Icesave-samningana, enda vilji hún forðast að draga málið fram yfir þjóðaratkvæðagreiðsluna á Íslandi og þar með fram yfir kosningabaráttuna í Bretlandi.
Sjá nánar um þetta mál í Morgunblaðinu í dag.