Lokahóf Nýsköpunarkeppni grunnskólanemenda fór fram í dag. Keppnin er nú haldin í 19. sinn og voru innsendar hugmyndir í ár 1.600 talsins. Lokahófið fór fram í hjá Marel í Garðabæ, sem er aðal bakhjarl NKG.
Tilgangur keppninnar er að gera einstaklingnum
grein
fyrir sköpunargáfu sinni og þroska hana í gegnum vinnu með eigin
hugmyndir.
Efla og þroska frumkvæði nemandans og styrkja þannig sjálfsmynd hans. Og
ekki síst
efla nýsköpunarstarf í grunnskólum og vekja athygli á hugviti barna í
skólum og
atvinnulífi, að því er fram kemur í tilkynningu.
Í ár voru keppnisflokkarnir sjö talsins. Almennur flokkur, Atvinnuvegir, hugbúnaður, hönnun, slysavarnir, leikföng og orka og umhverfi.
Verðlaunahafar eru 25 talsins með 20 hugmyndir. Farandbikarinn hlaut Hofsstaðaskóli í Garðabæ. Þrír skólar hrepptu viðurkenningar fyrir hlutfallslega flestar hugmyndir í NKG og fyrir störf sín á sviði nýsköpunarmenntar.
Hofsstaðaskóli í Garðabæ fékk gull viðurkenningu. Brúarásskól á Egilsstöðum silfur viðurkenningu og Grunnskólinn að Hólum fékk brons viðurkenningu.
Guðrúnarbikarinn var afhentur í fyrsta sinn, til heiðurs
Guðrúnar Þórsdóttur heitinnar sem var ein af upphafsaðilum
Nýsköpunarkeppni
grunnskólanemenda. Dóttir Guðrúnar, Anna Hulda Ólafsdóttir afhenti ungri
stúlku,
Sigríði Tinnu Sveinbjörnsdóttur bikarinn fyrir framúrskarandi störf í
vinnusmiðju NKG 2010.