Mikið um vatnsleka í borginni

Slökkviliðinu á höfuðborgarsvæðinu hafa í kvöld borist nokkrar tilkynningar um vatnsleka í húsum. Lekið hefur inn á Landspítala, í Listaháskóla Íslands, í iðnaðarhúsnæði í Kópavogi og Hafnarfirði og í heimahúsum.

Um kl. 19 voru allir bílar slökkviliðsins úti við að hreinsa upp vatn. Að sögn slökkviliðsins er vatnið að renna inn þar sem pollar myndast við dyr, í gegnum þök vegna þess að rennur eru stíflaðar o.s.frv. Slökkviliðið hvetur íbúa til að hreinsa snjó frá niðurföllum og af svölum svo að vatn renni ekki inn í hús.

• Blogga um frétt