Slökkvilið höfuðborgarsvæðisins slökkti eld í vinnuskúr við Vesturbæjarskóla rétt fyrir eitt í nótt. Mikill reykur og töluverður eldur var í skúrnum þegar slökkviliðið kom á vettvang.
Greiðlega gekk að slökkva eldinn en eldsupptök liggja ekki ljós fyrir. Helst er talið að kviknað hafi í út frá rafmagnsofni.
Talsvert annríki var í sjúkraflutningum í nótt líkt og yfirleitt er í umdæmi slökkviliðs höfuðborgarsvæðisins.