Greiðfært er um Suður- og Vesturland að mestu en hálka er á Holtavörðuheiði og hálkublettir eru á Bröttubrekku og Fróðárheiði.
Á Vestfjörðum eru sums staðar hálkublettir á heiðum og hálsum en greiðfært að mestu á láglendi. Ófært er á Hrafnseyrarheiði og Dynjandisheiði en vegna snjóflóðahættu verður ekki mokað fyrr en eftir helgi, samkvæmt tilkynningu frá Vegagerðinni.
Vegir á Norðurlandi vestra eru auðir að mestu en eitthvað er um hálku, til dæmis á Þverárfjalli og Öxnadalsheiði en hálkublettir eru á Vatnsskarði og á Siglufjarðarvegi.
Á Norðausturlandi er hálka eða hálkublettir en snjóþekja og éljagangur er í Köldukinn og á Tjörnesi en þæfingur og skafrenningur á Hófaskarði.
Hálka er á Möðrudalsöræfum og skafrenningur eins á Fjarðarheiði, annars eru vegir auðir á Austurlandi.
Hálkublettir eru frá Kirkjubæjarklaustri í Vík og hálka á Reynisfjalli, annars er greiðfært með suðausturströndinni.