Þyrla Landhelgisgæslunnar var kölluð til um miðjan daginn en sækja þurfti slasaðan vélsleðamann skammt suður af Klukkuskarði.
Samkvæmt upplýsingum af Facebook-síðu lögreglunnar á Suðurlandi var maðurinn þar á ferð ásamt félögum sínum og var fluttur á sjúkrahús í Reykjavík en talið er að hann sé fótbrotinn.
Björgunarsveitir Landsbjargar voru sendar áleiðis til öryggis ef þyrlan gæti ekki athafnað sig en til þess kom hinsvegar ekki.