Björgunarsveitarmenn eru á leið upp Esjuna til þess að koma pari til aðstoðar sem er í sjálfheldu. Að sögn Davíðs Más Bjarnasonar, upplýsingafulltrúa Landsbjargar, eru þau vel búin og væsir ekki um þau.
Parið hafði farið upp á Þverfellshornið en treysti sér síðan ekki niður klettabeltið aftur. Mjög hvasst er á toppnum og eins klaki þannig að þau óskuðu eftir aðstoð björgunarsveitarfólks við að komast niður.