Einn miðahafi var með allar tölur réttar þegar dregið var út í Lottó í kvöld. Sá heppni hlýtur tæpar sjö milljónir í vinning, en miðinn var keyptur á lotto.is.
Tveir voru með fjórar réttar tölur auk bónustölunnar og fá þeir rúmlega 153 þúsund krónur í vinning. Annar miðinn var keyptur í Happahúsinu í Kringlunni, en hinn var í áskrift.
Vinningstölurnar voru: 17, 24, 27, 31, 34.
Bónustalan: 25.
Tveir voru með fjórar réttar tölur í réttri röð í Jókernum og hlýtur hvor þeirra 100 þúsund krónur í vinning. Var annar miðinn í áskrift, en hinn var keyptur hjá N1 í Lækjargötu í Hafnarfirði.
Jókertölur: 6, 7, 9, 1, 6.