Fréttir af mögulegum jarðhræringum algengar

„Í gegnum tíðina erum við mjög vön að sjá svona fréttaflutning,“ segir Inga Hlín Pálsdóttir, forstöðumaður hjá Íslandsstofu, um frétt Sunday Times um væntanlegt gos í Kötlu sem birtist um helgina. Frá því að Eyjafjallajökull gaus árið 2010 hafi það gerst reglulega í Þýskalandi og Bretlandi.

Í frétt Sunday Times segir að gos í Kötlu sé yfirvofandi og vitnað er í eldfjallafræðinginn Ev­geniu Ilyin­skayu sem hefur gagnrýnt fréttina harðlega og sagt að rangt sé vitnað í orð hennar.

Frétt af mbl.is

Ósátt við rangar fréttir af Kötlugosi

Inga Hlín segir að erlend almannatengslafyrirtæki fylgist vel með framvindunni en að ekki sé útlit fyrir að bregðast þurfi sérstaklega við fréttunum. Ýmsir miðlar á borð við Evening Standard, The Independent og The Express hafa tekið frétt Sunday Times upp og birt svipaðar fréttir þar sem rifjaðar eru upp hræringarnar í Eyjafjallajökli og áhrifin sem gosið hafði á flugsamgöngur.

mbl.is ræddi við Ingu Hlín fyrr í dag.

• Blogga um frétt