Áfram í farbanni eftir slagsmál

Héraðsdómur Norðurlands eystra hefur úrskurðað að tveir menn skuli sæta farbanni til 1. febrúar að kröfu lögreglunnar á Norðurlandi eystra. Menn­irn­ir eru starfs­menn PCC á Bakka við Húsa­vík og eru grunaðir um lík­ams­árás hvor gegn öðrum í vist­ar­ver­um PCC.

Meint líkamsárás átti sér stað í vist­ar­ver­um PCC við Húsa­vík 3. nóvember.

Héraðsdómur hafði úrskurðað mennina í þriggja mánaða farbann, til 1. febrúar, en annar mannanna kærði úrskurðinn til Landsréttar sem stytti farbannið til 17. desember. Það hefur nú verið framlengt eins og áður segir.

Frétt af mbl.is

Landsréttur stytti farbannið

Í úrskurði héraðsdóms kemur fram að ann­ar maður­inn (varn­araðili í mál­inu) hafi kvartað til verk­stjóra yfir fram­komu hins manns­ins. Þrátt fyr­ir það batnaði fram­koma hans ekki. Eft­ir að hafa setið við drykkju slóg­ust þeir en átök þeirra voru stöðvuð.

Maður­inn sem kvartaði við verk­stjór­ann fór þá að sofa en um 20-30 mín­út­um síðar seg­ir hann hinn mann­inn hafa laum­ast inn í her­bergi hans, sest ofan á hann og barið ít­rekað með hnef­um. Skömmu síðar tók hann lítið túbusjón­varp sem var í her­berg­inu og barði varn­araðila 6 til 7 sinn­um í and­lit og höfuð af miklu afli.

Eft­ir að þeir höfðu fallið af rúm­inu tók varn­araðili fót af rúm­inu til að reka hinn mann­inn út og sveiflaði hann hönd­un­um. Staðhæfði hann að hann hafi verið að berj­ast fyr­ir lífi sínu.

Hinn maður­inn lýsti því sem gerðist eitt­hvað á ann­an veg en aðallega kveðst hann ekk­ert muna eft­ir því sem gerðist.  

• Blogga um frétt