Góð stemning á jólamarkaðnum á Hjartatorgi

Jólamarkaðurinn á Hjartatorgi í miðbæ Reykjavíkur var opnaður fyrr í dag. Eins og búast mátti við var stemningin góð þegar ljósmyndari mbl.is kom þar við.

Á markaðnum eru seljendur með smávörur, matvörur og aðrar jólavörur. Mikið er lagt upp úr því að gera markaðinn sem jólalegastan ásamt því að skapa létta og skemmtilega jólastemningu.

Afgreiðslutími er eftirfarandi:

5.-6. des. frá kl. 13-18

12.-13. des. frá kl. 13-18

18.-22. des. frá kl. 13-18

23. des. frá kl. 13-21

Hægt er að fylgjast með viðburðinum inni á facebooksíðu jólamarkaðarins. Þar verður að finna upplýsingar um seljendur og annað spennandi tengt markaðnum. Fólk sem mætir í Hjartagarðinn er í tilkynningu hvatt til að passa upp á fjarlægðartakmarkanir, sótthreinsun og grímunotkun.