Sjúkratryggingar Íslands munu greiða fyrir kostnað við hraðpróf við Covid-19 hjá einkaaðilum frá og með mánudeginum. 

Þetta kemur fram í tilkynningu frá stjórnarráðinu. 

Þar segir að markmið niðurgreiðslunnar sé að auka aðgengi almennings að hraðprófum þar sem fleiri aðilum verður kleift að bjóða þessa þjónustu, notendum að kostnaðarlausu, óháð tilgangi prófanna.

Hraðpróf við Covid-19. AFP

Hraðpróf hafa hingað til verið notuð í smitgát og valkvætt fyrir viðburði, sem varúðarráðstöfun og hafa verið framkvæmd af heilsugæslunum án endurgjalds. Einnig hafa einkaaðilar boðið upp á hraðpróf gegn greiðslu. 

Með ákvörðun ráðherra um greiðsluþáttöku ríkisins á hraðprófum hjá einkaaðilum munu sýnatökustöðum með gjaldfrjálsri sýnatöku fjölga og við bætist: 

• BSÍ í Reykjavík
• Kringlan í Reykjavík
• Kleppsmýrarvegi í Reykjavík
• Aðalgögu 60 í Reykjanesbæ
• Við Háskólann á Akureyri

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt