Súkkilaðiegg, sem venjulega innihalda lítil leikföng, reyndust vera full af maríjúna þegar lögregla skoðaði sendingu af slíku sælgæti í hafnarborginni Haifa í Ísrael.
Að sögn ísraelska ríkisútvarpsins var um að ræða svonefnd Kinder egg, og reyndust þau full af „hvítu ekkjunni", einhverri sterkustu tegund af maríjúana sem til er. Voru eggin send frá Belgíu og viðtakandinn var 21 árs maður sem áður hefur komið við sögu fíkniefnalögreglu í Ísrael.
Fíkniefnum er oft smyglað gegnum Ísrael á leið frá Líbanon eða Jórdaníu en þar er einnig stór markaður fyrir kannabis, heróín og önnur fíkniefni.