Gista sjálfviljugir í fangaklefum lögreglunnar

Lögreglan á Höfuðborgarsvæðinu segist hafa aðstoðaði rúmlega 20 manns við að komast af landi brott í gær og að á morgun væri áætlað að gera slíkt hið sama fyrir 16 einstaklinga. Þetta er fólk frá Austur-Evrópu, karlmenn sem hafði stundað hljóðfæraflutning á almannafæri og gisti gjarnan í almenningsgörðum. Átta komu með flugi frá Akureyri síðdegis og átta til viðbótar hafa verið að tínast sjálfviljugir inn á lögreglustöðina.

„Þeir hafa heyrt af því að við værum að aðstoða fólk við að fara úr landi og koma sjálfir inn á lögreglustöðina," sagði varðstjóri lögreglunnar í samtali við Fréttavef Morgunblaðsins.

Varðstjórinn sagði að þessum mönnum stæði til boða að gista í ólæstum klefum í nótt.

• 3 blogg um fréttina

Bloggað um fréttina

• Jón Lárusson: Skrítin tilviljun.
• Þorsteinn Gunnarsson: Eins og konur stunda ekki vændi "sjálfviljugar"... gista betlarar ekki …
• Snorri Bergz: Hljóðfæraflutningur á almannafæri?