Liam og Noel Gallagher í hljómsveitinni Oasis leggja mikla áherslu á að komið verði í veg fyrir fíkniefnanotkun baksviðs á fyrirhugðum tónleikum sveitarinnar á tónleikahátíðinni Glastonbury. Þeir segja að engin ólögleg efni megi sjást á tónleikum þeirra.
Götublaðið Daily Star finnst afstaða bræðranna athygliverð þar sem þeir hafi í gegnum tíðina komist í kastljós fjölmiðla fyrir slark og áflog. Þeir tímar eru nú að baki því Gallagher-bræður eru orðnir ráðsettir feður.