Þjóðverji nokkur skar af sé liminn og hugðist með því lækna sjálfan sig af kynlífsfíkn.
Í frétt Reuters er haft eftir yfirlýsingu lögreglu að maðurinn hafi hringt í vin sinn klukkan átta í morgun og sagt honum að hann hefði gert dálítið heimskulegt. Honum hafði tekist með aðstoð innihalds einnar vodka-flösku að safna kjarki til að framkvæma skurðaðgerðina á sjálfum sér.
Þegar lögreglu bar að var maðurinn, sem er 41 árs, alblóðugur í íbúð sinni og líffærið óæskilega lá undir eldhúsborðinu. Björgunarfólk dreif manninn og liminn á sjúkrahús í grenndinni.
Lögregla segir að maðurinn hafi ekki viljað láta græða á sig liminn að nýju en var ekki viss hvort læknar hefðu virt óskir hans.