Kona, sem starfaði sem móttökuritari í fyrirtæki í Svíþjóð var rekin fyrir að hafa sýnt viðskiptavini kynferðislega áreitni en vinnuveitandi konunnar heyrði hana hrósa viðskiptavini fyrir hvað hann væri myndarlegur.
„Ég gerði að gamni mínu við viðskiptavininn og sagði að hann væri svo myndarlegur," sagði konan við Sydsvenska Dagbladet. Viðskiptavinurinn sagðist ekki hafa tekið ummæli konunnar illa upp.
Ekki er óalgengt í Svíþjóð, að konur saki karlmenn um kynferðislega áreitni en mál af þessu tagi eru óalgeng.
Fyrrverandi vinnuveitandi konunnar vildi ekki tjá sig um málið.