Halda áfram að hakka Ástrali

Hópur tölvuhakkarra, sem ráðist hefur á nokkrar vefsíður stjórnmálamanna og stofnana í Ástralíu, segja ætla að halda aðgerðum sínum áfram sem mótmæli við hugmyndum um síur á netinu þar í landi.

BBC hefur heimildir fyrir þessu og ræðir við hakkara sem lætur ekki nafns síns getið, enda kallar hópurinn sig Anonumous, eða hinir nafnlausu.

Stjórnvöld í Ástralíu kynntu nýverið hugmyndir um að setja upp þessar síur á næsta ári til að auka öryggi á netinu, einkum til að verja ungmenni fyrir óæskilegu efni. Í frétt BBC segir að um 500 hakkarar hafi staðið fyrir þessum árásum, sem fólust aðallega í að senda ruslpóst í stórum stíl inn á ákveðna vefi ástralskra stjórnvalda, með þeim afleiðingum að síðurnar lágu niðri um stund.

Meðal þeirra sem urðu fyrir þessum árásum var ráðherra upplýsingatæknimála og fjarskipta í Ástralíu, Stephen Conroy. Hann hefur látið hafa eftir sér að nauðsynlegt sé að grípa til aðgerða, svo að þarlend ungmenni verði fyrir skaða við notkun Internetsins.

• 1 blogg um fréttina

Bloggað um fréttina

• Þórður Ívarsson: Sérstakur fréttaflutningur mbl.is