Aðsent efni — hjálp
Með því að smella á viðeigandi hnapp á síðunni er hægt að senda aðsent efni til birtingar í Morgunblaðinu.
Mikilvægt er að smellt sé á réttan hnapp þegar efni er sent til blaðsins.
Ákveðnar skorður eru settar því hve langur texti sá sem sendur er til blaðsins má vera. Lengdarmörk eru eftirfarandi:
- Aðsendar greinar: 5.000 slög (með orðabilum).
- Minningargreinar: 3.000 slög (með orðabilum).
- Afmælisgreinar: 5.000 slög (með orðabilum).
- Bréf til blaðsins: 3.000 slög (með orðabilum).
- Efni í dagbók: 300 slög (með orðabilum).
Nauðsynlegt er að glöggar persónuupplýsingar fylgi öllu aðsendu efni, svo sem fullt nafn, kennitala, heimilisfang og sími. Morgunblaðið birtir aldrei efni sem sent er blaðinu án þess að þær upplýsingar fylgi. Ákvörðun um birtingu og endanlega staðsetningu efnis er að öllu leyti blaðsins.
Aðsendar greinar
Aðsendar greinar eru þær greinar sem fjalla um málefni líðandi stundar og birtast þær í blaðinu ásamt mynd af höfundi og kynningu á honum. Til þess að greinar fáist birtar þarf að fylgja litmynd af höfundi. Athygli er vakin á því að oftast er fljótlegra að fá birtar aðsendar greinar sem ekki eru í hámarkslengd, t.d. á bilinu 2.000-3.000 slög með orðabilum.
Bréf til blaðsins
Bréf til blaðsins eru lesendabréf sem birtast með nafni og heimilisfangi bréfritara.
Minningargreinar
Skilafrestur og birtingarmáti
Morgunblaðið birtir minningargreinar alla útgáfudaga. Skilafrestur minningargreina til birtingar í blaðinu er á hádegi tveimur virkum dögum fyrir áætlaðan útfarardag. Skilafrestur greina til birtingar á mánudögum og þriðjudögum er á hádegi á föstudegi. Sé ekki svigrúm til að birta allar greinar sem bárust innan skilafrests á útfarardag verða þær birtar við fyrsta tækifæri.
Minningargreinar vegna útfarar í kyrrþey eru birtar við fyrsta mögulega tækifæri eftir útför.
Tilvitnanir í sálma eða ljóð takmarkast við eitt til þrjú erindi.
Greinar sem eru lengri en 3000 tölvuslög með bilum eru eingöngu birtar á vefnum á www.mbl.is/minningar. Vísað verður í að fleiri greinar séu á netinu neðst í þeim minningargreinum sem birtast í blaðinu. Netgreinarnar eru öllum opnar.
Undirskrift
Minningargreinahöfundar eru beðnir að hafa skírnarnöfn sín en ekki stuttnefni undir greinunum.
Formáli
Minningargreinum þarf að fylgja formáli með upplýsingum um hvar og hvenær sá sem fjallað er um er fæddur, hvar og hvenær dáinn og síðast hvaðan útförin fer fram og hvenær. Einnig mega koma fram upplýsingar um foreldra, systkini, maka og börn. Ætlast er til að þetta komi aðeins fram í formálanum sem birtist feitletraður en ekki í greinunum sjálfum.
Myndir
Hafi mynd birst í dánar- eða útfarartilkynningu er hún sjálfkrafa notuð með minningargrein nema beðið sé um annað. Ef nota á nýja mynd er best að láta hana fylgja æviágripi sem sent er á vefnum, en einnig má senda hana á minning@mbl.is og láta umsjónarmenn minningargreina vita.