Miðjumaðurinn Atli Sigurjónsson æfir með KR þessa dagana en hann komst að samkomulagi við Breiðablik um að rifta samningi sínum við félagið fyrir rúmum tveimur vikum.
KR hefur leik á Íslandsmótinu í knattspyrnu á mánudag þegar liðið tekur á móti Víkingi Reykjavík. Atli lék með KR á árunum 2012-2014. Hann lék með Breiðabliki undanfarin tvö tímabil og skoraði átta mörk í 49 leikjum fyrir Kópavogsliðið en hann hóf feril sinn hjá Þór á Akureyri.
Atli var til reynslu hjá hollenska B-deildarliðinu Almere City á dögunum en liðið er í sjöunda sæti deildarinnar og í baráttu um að komast í umspil um sæti í úrvalsdeildinni.
Atli Sigurjóns æfir með KR þessa dagana #friðgeirsvaktin pic.twitter.com/M0a6Wn6iov
— KR Reykjavik FC (@KRreykjavik) April 29, 2017