KFG er enn með fullt hús stiga í 3. deild karla í fótbolta eftir 4:2-útisigur á Vængjum Júpíters í 3. umferðinni á Fjölnisvelli í kvöld.
Finn Axel Hansen skoraði tvívegis fyrir KFG og Jóhann Ólafur Jóhannsson skoraði eitt mark, en markaskorari fjórða marks KFG lá ekki ljós fyrir er fréttin var skrifuð.
Daníel Rögnvaldsson og Brynjar Gauti Þorsteinsson skoruðu mörk Vængja Júpíters sem eru í 8. sæti með eitt stig.