Knattspyrnufélagið Þróttur í Reykjavík hefur um nokkurt skeið boðið flóttamönnum á Íslandi að æfa með varaliði sínu, SR, sem leikur í 4. deild Íslandsmótsins í knattspyrnu.
Þróttarar skýra frá því á Twitter-síðu sinni að í gærkvöld hafi átta flóttamenn frá Sómalíu og einn frá Gana mætt á æfingu liðsins á Eimskipsvellinum í Laugardal og alls hafi meira en fimmtán flóttamenn æft með SR síðasta árið.
Síðasta árið hefur varalið Þróttar, SR, opnað arma sína fyrir flóttamönnum á Íslandi. Á æfingu gærkvöldsins mættu þeir 8 frá Sómalíu og 1 frá Gana. Yfir 15 flóttamenn hafa mætt á æfingar SR síðasta árið. 👏👏👏 ❤️ #Hjartaðíreykjavik #Lifi pic.twitter.com/8n9msoLpQO
— Þróttur (@throtturrvk) November 21, 2019