Tékkar tryggðu sæti sitt í milliriðli Evrópumótsins í handknattleik eftir sigur á Ungverjalandi, 33:27, í D-riðli mótsins í dag.
Tékkar voru með forskot í hálfleik 15:11 og sýndu enga veikleika eftir hlé. Þegar yfir lauk munaði svo sex mörkum á liðunum, lokatölur 33:27 fyrir Tékka.
Ondrej Zdrahala fór á kostum hjá Tékkum og skoraði 14 mörk en Mate Lekai var markahæstur hjá Ungverjum og skoraði 9 mörk.
Ungverjar eru án stiga í riðlinum og eru úr leik en Tékkar unnu Dani 28:27 og eru öruggir áfram. Spánn og Danmörk mætat í lokaleik riðilsins klukkan 19.30.