Mauricio Pochettino knattspyrnustjóri Tottenham segist ekki vita hvenær bakvörðurinn Kyle Walker getur byrjað að spila að nýju.
Síðasti leikur Walkers með Tottenham var leikur á móti Benfica í Evrópudeildinni sem fram fór í mars en hann hefur glímt við meiðsli í kviði. Af þeim sökum missti hann af HM í Brasilíu í sumar og hann hefur ekkert komið við sögu með Tottenham á núverandi tímabili.
„Á þessu stigi er ómögulegt að segja til um dagsetningu hvenær hann snýr aftur út á völlinn til æfinga og getur byrjað að spila,“ sagði Pochettino.