Landsliðsmaðurinn Gylfi Þór Sigurðsson mun ekki leika með enska úrvalsdeildarliðinu Swansea í dag í æfingaleik liðsins við Birmingham.
Á heimasíðu Swansea segir að Gylfi Þór muni ekki spila vegna óvissu um framtíð hans hjá félaginu en Swansea hefur hafnað tveimur tilboðum frá Everton í íslenska landsliðsmanninn en það síðara hljóðaði upp á 45 milljónir punda. Swansea vill 50 milljónir fyrir Gylfa.
Í færslu á heimasíðu Swansea í morgun kemur fram að Gylfi Þór hafi tekið ákvörðunina ásamt forráðamönnum félagsins.