Knattspyrnumaðurinn Jón Dagur Þorsteinsson skoraði áttunda markið sitt fyrir varalið Fulham á leiktíðinni er hann jafnaði í 1:1 gegn Stoke á útivelli á laugardaginn var.
Jón Dagur fékk boltann rétt utan teigs, sótti að varnarmanni og lét vaða með góðum árangri. HK-ingurinn hefur látið vel að sér kveða þegar kemur að því að skora falleg mörk og er hann reglulegur gestur er Fulham kýs mark mánaðarins í hverjum mánuði.
Fulham er í 6. sæti með 23 stig eftir 17 leiki í næstefstu deild varaliðsdeildarinnar á Englandi. Markið hjá Jóni Degi má sjá hér að neðan.
Jón Dagur Þorsteinsson (@jondagur) scored his 8th goal of the season for U23´s of @FulhamFC when they played @stokecity away this weekend. 🇮🇸⚽️👏 #TeamTotalFootball pic.twitter.com/EbwWyaMHPt
— Total Football (@totalfl) February 19, 2018