Benjamin Mendy, varnarmaður Englandsmeistaranna í Manchester City, verður ekki með liðinu á næstunni þar sem hann fór í aðgerð í gær.
Gerð var aðgerð á vinstra hné Mendys en í fyrra fór hann í aðgerð á því hægra og missti mikið úr á síðasta keppnistímabili.
Hann hefur hins vegar leikið tólf leiki í upphafi þessa tímabils og var í byrjunarliðinu í grannslagnum gegn United á dögunum.
Ekki hefur verið gefið upp hvenær læknateymi City býst við að Mendy verði leikfær á ný.