Tveir leikmanna Manchester United eru á leið heim til Manchester og munu ekki spila með landsliðum sínum. Þar eru á ferðinni Nemanja Matic og Victor Lindelöf. Þá hefur Romelu Lukaku verið sendur í myndatöku í herbúðum Belga.
Meiðsli þeirra Matic og Lukaku hafa ekki verið útskýrt nákæmlega á blaðamannafundum hjá Serbíu og Belgíu en báðir hafa þeir glímt við meiðsli að undanförnu.
Lukaku mun hafa farið í myndatöku en ekki hefur verið fjallað um niðurstöðuna. Matic er nýbyrjaður að beita sér á ný eftir meiðsli og þar gæti hafa orðið bakslag.
Þá hefur Victor Lindelöf einnig ákveðið að leika ekki með Svíum gegn Rúmeníu og Noregi af persónulegum ástæðum.
Belgía tekur á móti Rússlandi í undankeppni EM annað kvöld og Serbía heimsækir Þýskaland í vináttulandsleik í kvöld.