Ólafur Kristjánsson þjálfari Randers og Hannes Þór Halldórsson markvörður horfðu í dag upp á afar furðulegt atvik þar sem fyrrum Evrópumeistari í knattspyrnu karla hljóp nakinn inn á leik þeirra í dönsku úrvalsdeildinni gegn Silkeborg.
Lars Elstrup heitir maðurinn og hans fyrsta verk er hann hafði hlaupið nakinn út á völlinn var að standa á haus, einhverra hluta vegna.
Elstrup þessi varð Evrópumeistari með Dönum árið 1992 og skoraði meðal annars Frökkum í 8-liða úrslitum keppninnar.
Elstrup skrifaði í tilefni dagsins athugasemd við frétt BT sem blaðið deildi á Facebook og skrifaði þar: „Lars Elstrup er á Facebook og þar er hægt að gerast vinur hans. Hann er í raun sætur og indæll maður“ sagði Elstrup um sjálfan sig í þriðju persónu.
Eftir að hafa lagt skóna á hilluna hefur Lars Elstrup nokkrum sinnum komist í kastljós fjölmiðla á undanförnum árum og ekki er það fótboltatengt. Fyrir málið í kvöld var hann dæmdur í 60 daga fangelsi vegna ofbeldismáls.
So Euro 92 winner Lars Elstrup just streaked during a Danish Superliga match. pic.twitter.com/H9Imt2XdCi
— Brooks Peck (@BrooksDT) August 26, 2016
Vendelbos reaktion på nøgne Lars Elstrup er priceless: "Er det... ej, det kan ikke.. jo, det er det sgu da.." #sldk pic.twitter.com/jUVOL1hDxY
— Kristian Østerby (@kristianosterby) August 26, 2016