Gemma Fay, markmaður kvennaliðs Stjörnunnar í knattspyrnu, er hætt að leika með landsliði Skotlands. Hin 35 ára gamla Fay hefur leikið 203 landsleiki fyrir þjóð sína og er hún sú leikjahæsta frá upphafi.
Hún varði mark liðsins á EM í Hollandi í sumar og segir hún það vera fullkominn endi á landsliðsferlinum.
„Mér fannst rétt að hætta með landsliðinu eftir EM. Að vera fyrirliði liðsins í mörg ár er mjög þýðingamikið fyrir mig,“ sagði hún í samtali við BBC.