Zinedine Zidane, knattspyrnustjóri Evrópumeistara Real Madrid, var valinn besti þjálfari ársins 2017 í karlaflokki á verðlaunakvöldi FIFA í Lundúnum í kvöld.
Zidane stýrði Real til sigurs í spænsku 1. deildinni og einnig í Meistaradeild Evrópu, annað árið í röð. Aðrir sem voru tilnefndir eru Antonio Conte, stjóri Chelsea, og Massimiliano Allegri, stjóri Juventus.
Þá fékk Oliver Giroud, framherji Arsenal, hin svokölluðu Puskas-verðlaun fyrir besta mark ársins þegar hann skoraði með magnaðri hælspyrnu gegn Crystal Palace.