Landsliðsmaðurinn Theódór Elmar Bjarnason lék allan leikinn í 1:0 tapi Elazigspor gegn Erzurum í B-deild tyrknesku knattspyrnunnar í dag.
Sigurmark Erzurum skoraði Erhan Celenk. Elmar og félagar urðu manni færri á 81. mínútu er Alpaslan Ozturk fékk rautt spjald.
Elazigspor hefur 20 stig í 11. sæti eftir 16 leiki, siglir nokkuð lygnan sjó um miðja deild, sjö stigum frá fallsæti.