Ingibjörg Sigurðardóttir bjargaði stigi fyrir Djurgården sem mætti sænsku meisturunum Linköping á útivelli en liðin gerðu 1:1-jafntefli í efstu deild Svíþjóðar í knattspyrnu í dag.
Natasha Dowie kom heimakonum yfir eftir um klukkutíma leik og stefndi allt í sigur Linköping eða þangað til að Ingibjörg jafnaði metin í uppbótartíma. Hún lék allan leikinn fyrir Djurgården eins og markvörðurinn Guðbjörg Gunnarsdóttir.
Djurgården er í 7. sæti með 11 stig eftir átta umferðir.