Argentínski snillingurinn setti enn eitt metið á knattspyrnuvellinum í gær þegar Spánarmeistarar Barcelona lögðu hollensku meistarana í PSV Eindhoven 4:0 í fyrstu umferð riðlakeppni Meistaradeildar Evrópu í knattspyrnu.
Messi skoraði þrennu í leiknum og var þetta áttunda þrenna hans í Meistaradeildinni frá upphafi og hefur enginn skorað fleiri þrennur en Argentínumaðurinn í þessari sterkustu deild í heimi. Portúgalinn Cristiano Ronaldo kemur næstur með sjö þrennur.
PSV varð 30. liðið sem Messi skorar gegn liði í Evrópukeppninni og þessi magnaði leikmaður hefur nú skorað 64 mörk í 63 leikjum í riðlakeppni Meistaradeildarinnar og alls hefur hann skorað 103 mörk í Meistaradeildinni.
Messi hefur byrjað tímabilið með stæl en hann hefur skorað sjö mörk í fyrstu sex leikjum Börsunga á tímabilinu.