Arnór Smárason tryggði liði sínu Lillestrøm dýrmæt stig í fallbaráttu norsku úrvalsdeildarinnar í knattspyrnu í gær með eina markinu í sigri á
Tromsø.
Arnór skoraði markið úr vítaspyrnu sem hann átti sinn þátt í að fiska þegar tíu mínútur voru til leiksloka.
Arnór hefur þar með skorað fimm mörk í sjö leikjum síðan hann kom frá Hammarby í júlí.
Lillestrøm er enn í fallsæti þegar sjö umferðir eru eftir, en aðeins stigi á eftir næstu þremur liðum.
Í meðfylgjandi myndskeiði má sjá Arnór fá vítaspyrnuna og skora úr henni með afar öruggum hætti. Vítaspyrnan kemur eftir 3 mínútur í spilaranum.