Eygló Ósk Gústafsdóttir komst ekki í úrslit í 100 metra baksundi á heimsmeistaramótinu í Kazan í Rússlandi.
Eygló Ósk bætti Íslandsmetið í greininni í undanrásum í morgun þegar hún átti níunda besta tímann, 1:00,25 mínútu en fyrra met hennar var 1:00,89 mínútur.
Í undanúrslitunum nú síðdegis synti Eygló ósk á 1:00,69 mínútum sem einnig er undir gamla Íslandsmeti hennar. Hún varð fimmtánda, 2,13 sekúndum frá Emily Seebohm sem átti besta tímann en átta efstu komust í úrslit.
Eygló keppir í sinni aðalgrein, 200 metra baksundi, síðar í vikunni.