Ársþing Glímusambands Íslands fór fram nú um helgina, en þetta var 54. ársþing sambandsins. Ljóst var að nýr formaður yrði kosinn á þinginu þar sem sitjandi formaður, Ólafur Oddur Sigurðsson, hafði gefið það út fyrri þingið að hann gæfi ekki kost á sér lengur sem formaður sambandsins.
Tvö voru í framboði til formanns, þau Svana Hrönn Jóhannsdóttir og Sigurjón Leifsson. Svana sigraði kosninguna með yfirburðum, en hún hlaut hún 18 atkvæði gegn 3 hjá Sigurjóni. Þrjár aðrar konur voru síðan kjörnar í stjórnina og einn karlmaður.
Aðalstjórn Glímusambandsins er því þannig skipuð: Formaður, Svana Hrönn Jóhannsdóttir, aðrir í stjórn eru: Jóhanna Guðrún Snæfeld, Margrét Rún Rúnarsdóttir, Marín Laufey Davíðsdóttir og Guðmundur Stefán Gunnarsson. Til vara eru Snær Seljan Þóroddsson, Þórður Vilberg Guðmundsson og Gunnar Gústav Logason.