Svisslendingurinn Roger Federer er kominn í þriðju umferð á opna ástralska meistaramótinu í tennis eftir sigur á Bretanum Dan Evans.
Federer, sem á titil að verja, vann Evans í þremur settum 7:6, 7:6 og 6:3 og er kominn í þriðju umferðina 20. árið í röð á þessu móti. Federer hefur unnið 20 risamót á ferli sínum og stefnir að því að vinna opna ástralska meistaramótið í sjöunda sinn.
Hin danska Caroline Wozniacki, sem á titil að verja í kvennaflokki, er einnig komin áfram í þriðju umferðina eftir sigur gegn Johannu Larsson frá Svíþjóð í tveimur settum 6:1 og 6:3.