Bandaríski kylfingurinn Dustin Johnson er kominn í efsta sæti á heimslistanum í golfi í fyrsta sinn eftir sigurinn á opna Genesis-mótinu sem lauk í Los Angeles í gærkvöld.
Johnson velti Ástralanum Jason Day úr toppsætinu en Day hefur verið í efsta sæti heimslistans síðustu 47 vikurnar.
Day er í öðru sæti á heimslistanum, N-Írinn Rory McIlroy er í þriðja sæti, Svíinn Henrik Stenson er fjórði og Japaninn Hideki Matsuyama er í fimmta sætinu.