Tiger Woods er nú kominn í 26. sæti heimslistans í golfi eftir góða frammistöðu í tveimur síðustu risamótum, The Open og PGA-meistaramótinu.
Woods hefur klifrað upp listann á árinu en hann var ansi neðarlega í fyrra eftir að meiðsli héldu honum frá keppni. Woods var í upphafi árs í 656. sæti heimslistans og á átta mánuðum er stökkið því gríðarlegt.
Brooks Koepka, sigurvegari á PGA-meistaramótinu, fer upp í annað sætið en Dustin Johnson heldur því efsta.