Rúnar Kárason, landsliðsmaður í handknattleik, hefur ekki getað, vegna meiðsla, leikið með liði sínu Ribe Esbjerg í tveimur síðustu leikjum þess í dönsku úrvalsdeildinni.
Rúnar sagði við Morgunblaðið í gær að ekki væri um alvarleg meiðsli að ræða.
„Ég fékk tak í annan kálfann í upphitun fyrir leikinn við Skjern í síðustu viku. Um er að ræða sama kálfa og var að angra mig á síðustu leiktíð. Að þessu sinni kom hvorki rifa í vöðvann né blæddi inn á hann svo ég reikna með að vera búinn að jafna mig fyrir næsta leik okkar í dönsku úrvalsdeildinni,“ sagði Rúnar í samtali við Morgunblaðið.
Næsti leikur Ribe Esbjerg verður gegn GOG á heimavelli fimmtudaginn 1. desember.
Sjá alla greinina í íþróttablaði Morgunblaðsins í dag