Afturelding er aðeins einu stigi frá toppliði ÍR í Grill 66-deild kvenna í handbolta eftir 22:18-útisigur á Víkingi í Fossvogi í kvöld. Þóra María Sigurjónsdóttir skoraði sjö mörk fyrir Aftureldingu, eins og Kiyo Inage. Katrín Hallgrímsdóttir skoraði sex fyrir Víking.
ÍR er á toppi deildarinnar með 20 stig, Afturelding í 2. sæti með 19 stig og Fylkir er í þriðja sæti með 17 stig eftir 36:22-útisigur á botnliði Stjörnunnar U. Hrafnhildur Irma Jónsdóttir skoraði 11 mörk fyrir Fylki og Auður Brynja Sölvadóttir skoraði átta fyrir Stjörnuna.
FH er í sjötta sæti með 13 stig eftir öruggan 30:19-heimasigur á Fram U. Aníta Theodórsdóttir og Sylvía Björt Blöndal skoruðu sjö mörk hvor fyrir FH. Ragnheiður Ósk Ingvarsdóttir, Harpa Elín Haraldsdóttir og Erna Guðlaug Gunnarsdóttir skoruðu fjögur mörk hver fyrir Fram.