Íslands- og bikarmeistarar Vals spila sex leiki í Evrópudeild karla í handknattleik á sjö vikna tímabili frá 25. október til 13. desember. Fjóra síðustu leikina spila þeir á fjórum vikum í röð frá 7. til 28. febrúar.
Dregið var í riðla í Evrópudeildinni í gær en þar leika 24 lið í fjórum sex liða riðlum. Fjögur lið úr hverjum riðli komast í sextán liða úrslitin sem verða leikin í mars.
Valsmenn mæta Aix, liði Kristjáns Arnar Kristjánssonar frá Frakklandi, Flensburg, liði Teits Arnar Einarssonar frá Þýskalandi, Benidorm frá Spáni, Ystad IF frá Svíþjóð og Ferencváros frá Ungverjalandi.
Umfjöllunina má lesa í heild sinni á íþróttasíðum Morgunblaðsins í dag.