Handknattleiksmaðurinn Hafþór Már Vignisson er genginn í raðir Arendal, sem leikur í norsku úrvalsdeildinni, frá þýska B-deildar liðinu Empor Rostock.
Hafþór Már, sem er örvhent skytta og leikstjórnandi, gekk í raðir Rostock frá Stjörnunni fyrir yfirstandandi tímabil en hefur nú ákveðið að söðla um og reyna fyrir sér í Noregi.
Hann er 23 ára gamall og uppalinn hjá Þór á Akureyri en hefur einnig leikið með ÍR hér á landi.