Bandaríski körfuboltamaðurinn Urald King mun leika með Tindastóli á næstu leiktíð, en hann hefur spilað með Val undanfarin tvö ár. Karfan.is greinir frá.
King fór upp úr 1. deild með Val árið 2017 og var lykilmaður í að liðið hélt sér uppi á síðasta tímabili. Antonio Hester snýr ekki aftur á Sauðárkrók, þar sem hann hefur leikið síðustu tvö ár, og er King ætlað að fylla í hans skarð.
Urald King skoraði 22,9 stig og tók 14 fráköst að meðaltali í leik fyrir Val í vetur.