Sundkeppni Smáþjóðaleikanna hefst í Laugardalslauginni klukkan 10 þegar fram fara undanrásir í þremur greinum. Að öðru leyti verður sundkeppnin á fullri ferð í Laugardalnum frá kl. 17.30 til 19 í dag þegar keppt verður til úrslita í fjölda greina.
Sex Íslendingar keppa í þessum þremur greinum í undanrásunum. Bryndís Rún Hansen og Ingibjörg Kristín Jónsdóttir ríða á vaðið fyrir Íslendingana þegar þær synda í fyrri riðli í 100 m skriðsundi kvenna kl. 10.
Alexander Jóhannesson og Birkir Snær Helgason synda næst 100 m skriðsund karla í sitthvorum riðlinum kl. 10:05 og 10:07. Anton Sveinn McKee og Kristinn Þórarinsson enda morgunhlutann svo í síðari riðlinum í 200 m fjórsundi karla um kl. 10:15.